O PSdeG vén de rexistrar no Parlamento varias preguntas en comisión parlamentaria e en pleno, e unha proposición non de lei, para que a Xunta explique cal é o seu compromiso e os prazos previstos para a posta en funcionamento do Porto Seco de Monforte, o grande proxecto de desenvolvemento económico para o sur da provincia de Lugo.
O deputado monfortino Vicente Docasar responde deste xeito á preocupación transmitida polos colectivos sociais da comarca na reunión do pasado venres 11, despois do continuo incumprimento de prazos do Goberno galego para esta infraestrutura.
Na proposición non de lei, instaamos a poñer en funcionamento a plataforma loxística no primeiro semestre do ano 2014 e a deseñar unha oferta de solo que contemple diferentes opcións que faciliten a implantación empresarial nun contexto de grave crise económica, como o alleamento con período de carencia ou o aluguer con opción de adquisición.
Para a súa entrada en funcionamento é imprescindible resolver os problemas de urbanización e de saneamento, e precisamente o saneamento non foi contemplado no contrato de urbanización asinado o pasado ano, atrasando aínda máis a posta en funcionamento. A pasada primavera o conselleiro de Medio Ambiente,Territorio e Infraestruturas visitaba as obras e comprometía prazos que non foron cumpridos e tamén foron incumpridos os prazos propostos no pasado mes de novembro.
Podes consultar os textos completos e descargalos nas ligazóns seguintes:
-3.jpg)
-2.jpg)
-8.jpg)
